第五街冰室 (京瑞廣場) (已結業)

超有驚喜炒小菜🤩呢間冰室除咗有小菜之外，仲有鐵板，焗飯，泰式越式嘅食物都有😚 今晚就試咗滑蛋炒蝦球，椒鹽鮮魷，蒜蓉炒西蘭花，同埋日式胡麻醬炒安格斯牛柳粒蝦球分量比想像中多，而且大隻得嚟又新鮮爽口😋炒蛋蛋香味濃，又夠滑身，送飯一流😁椒鹽鮮魷好新鮮啊🤩炸得香口而不油膩😋而蒜蓉炒西蘭花都好有鑊氣😙本身都擔心日式胡麻醬配炒安格斯牛柳粒好似唔係match咁，點知出到嚟個效果又幾好喎😙洋蔥好甜，又爽又多汁，牛柳粒肉質鮮嫩，無筋，高質😋仲有例老火靚湯添😋呢間冰室嘅座位好闊落，唔使同人迫得好埋咁，冷氣又夠涼，幾好坐👍🏻