影片
更多
2020-01-04
1316 浏览
荃灣雖然好多好嘢食，但係一向都唔多精緻嘅日式餐廳。之前試過呢一間火狐，今日朋友話想黎搵我傾計食下野，就推薦左呢間餐廳俾佢。一段時間冇黎，個Menu好似轉左，食物種類好似再多左。我哋就叫咗幾款串燒同小食，再加一個炒飯。首先係本日推介嘅忌廉薯餅，一般去到日式餐廳如果有得叫呢一款食物，我都會叫嘅因為係屋企好難可以自己整到。擺盤精緻，一人一件啱啱好，入面係好濃厚嘅忌廉薯蓉。之後就嚟咗兩串串燒，一串係黑椒蜜糖豬腩肉， 另一串就係燒雞翼。兩串都燒得啱啱好，而且調味非常之唔錯，唔會太過分掩蓋左肉味。我之後就係玉子燒，幾乎每一次去食日式居酒屋我都會叫呢一味餸。因為係屋企又係好難整到一個好完美嘅玉子燒。佢哋呢一度嘅玉子燒係冇餡料嘅，但係反而受更加可以食得出半熟玉子嘅香味。加上淋上咗日式醬油嘅蘿蔔蓉，真係好comfort呢下一味餸就係蘆筍牛肉卷，一共有四件。裏頭包住嘅係粗身嘅澳洲蘆筍，外面就係日本肥牛。兩樣嘢balance得啱啱好。之後就到唯一嘅主食，和牛蘆筍炒飯。炒飯用嘅係日本米，個飯炒得夠乾身，上面加咗好多蒜片同埋香蔥用嚟調味。和牛份量亦都唔少。食埋個飯，我哋兩個都覺得啱啱好夠飽。埋單兩個人三百幾蚊，
一段時間冇黎，個Menu好似轉左，食物種類好似再多左。我哋就叫咗幾款串燒同小食，再加一個炒飯。
首先係本日推介嘅忌廉薯餅，一般去到日式餐廳如果有得叫呢一款食物，我都會叫嘅因為係屋企好難可以自己整到。擺盤精緻，一人一件啱啱好，入面係好濃厚嘅忌廉薯蓉。
之後就嚟咗兩串串燒，一串係黑椒蜜糖豬腩肉， 另一串就係燒雞翼。兩串都燒得啱啱好，而且調味非常之唔錯，唔會太過分掩蓋左肉味。
我之後就係玉子燒，幾乎每一次去食日式居酒屋我都會叫呢一味餸。因為係屋企又係好難整到一個好完美嘅玉子燒。佢哋呢一度嘅玉子燒係冇餡料嘅，但係反而受更加可以食得出半熟玉子嘅香味。加上淋上咗日式醬油嘅蘿蔔蓉，真係好comfort呢
下一味餸就係蘆筍牛肉卷，一共有四件。裏頭包住嘅係粗身嘅澳洲蘆筍，外面就係日本肥牛。兩樣嘢balance得啱啱好。
之後就到唯一嘅主食，和牛蘆筍炒飯。炒飯用嘅係日本米，個飯炒得夠乾身，上面加咗好多蒜片同埋香蔥用嚟調味。和牛份量亦都唔少。食埋個飯，我哋兩個都覺得啱啱好夠飽。
埋單兩個人三百幾蚊，其實以日本野黎講算係一個比較平嘅價錢。會再有下次
张贴
