大廚料理 (已結業)

今次係我第二次食呢間高質私房菜，上一次食都只不過係上個月嘅事，呢間私房菜比較特別嘅地方就係佢除咗傳統中菜嘅菜式之外佢會混合埋世界各地受歡迎嘅製作烹調方法就好似個刺身拼盤咁，明明食緊中菜嘅私房菜，但係又會覺得自己好似去咗食日本嘢一樣🤣今次係第一次叫到會，估唔到叫到會亦都仲可以保持到堂食嘅質素，但上次有po過嘅嘢食我就唔再特別講多次🤣🤣都仍然係一個字，正！今次唯一唔同嘅係叫咗一個花膠鮑魚扣鵝掌😎呢個花膠鮑魚扣鵝掌係佢呢度其中一個招牌菜式，果然冇令人失望，佢啲鮑魚同埋鵝掌完全朔晒啲汁嘅味非常入味，味道已經不在話下，就連個size都一啲都唔敷衍，隻隻鮑魚都鬼死咁大隻，食落去嗰種滿足感直頭覺得自己好似鋸緊扒咁，大大嚿啖啖肉🤣🤣🤣希望下次可以試到其他未試過嘅菜式，因為佢仲有好多其他唔同嘅招牌菜，如果唔係一次有10幾人食嘅話我諗都好難可以一次試晒所有菜式🤣🤣🤣