相馬日式火鍋 (已結業)

約咗兩個月終於約到班好姊妹👯‍♀️一齊食火鍋啦！今次就揀返之前食過嘅一間相馬日式火鍋💓今次再嚟食係因為見到佢哋新嘅套餐，有羊腩煲好似幾正😍！而且上一次覺得佢哋啲食物質素都好好😘惹味羊腩煲😋呢個價錢仲有得任食羊腩煲真係好抵，而且羊腩煲嘅水準都唔錯，羊腩炆得入味，食落又唔會太鹹，岩岩好！胡椒花膠湯😋超級足料，佢真係有食到花膠，花膠仲好嫩滑。胡椒香味令到成個人暖笠笠。火鍋🥳火鍋嘅話豚肉質素真係唔錯，呢款嘅豚肉俾我喺出面食嘅好食好多，冇乜雪藏味，口感好鬆軟，點少少自製醬汁調味就掂！炸物、單骨雞翼☺️呢到嘅香口炸物都唔錯，每款我都試過下，自己最鍾意就係食佢哋啲炸天婦羅，炸粉唔厚！夠香脆！單骨雞翼都有好多唔同嘅味道，全部都各有特色！