拼柚子炸雞 跟蕃薯條 年糕
呢個份量非常之巨大 有原隻炸雞髀
上面有簡單🧀芝士粉嘅調味
咁大隻雞髀經過油炸之後 一啲油膩感都冇
仲保持到皮脆肉嫩 雞皮下幾乎冇乜脂肪
但又不失肉汁 呢個廚師掌握得唔錯❣️
炸雞好開胃 有常見嘅酸甜柚子醬汁
配菜嘅番薯條同年糕都做得唔錯
香脆軟糯 ❣️❣️❣️
🥗大蝦柚子蘋果香梨沙律
食油炸嘢之前一定要叫返個沙律平衡下
特別鍾意佢嘅醬汁 大蝦有輕微調味
冇任何雪藏味 蘋果同埋梨都係刨絲咁樣上
所以撈埋一齊食會更加入味
🥧焦糖烏龍茶珍珠奶蓋瀑布戚風蛋糕
通常呢款甜品會跟疏乎厘pancake
所以見到呢度係跟戚風蛋糕就好想試吓
戚風蛋糕濕度非常高
暫時係我食過最濕嘅戚風蛋糕🤣🤣🤣
但絕對唔會影響佢嘅口感
而呢款茶味同另外坊間食到嗰啲好唔同
連珍珠都係我比較少見嘅
原來係有透明唔係黑色嘅😂😂😂
整體唔會太甜 兩個人share啱啱好
🍓士多啤梨奶昔奶蓋雪山
佢嘅奶蓋非常難忘 有啲鹹鹹地
配埋下邊酸甜嘅士多啤梨一齊
打卡得嚟又好飲 奶蓋仲要hold到好耐❣️
🍑洛神花冰極熊西柚白桃梳打
依家非常適合有小朋友嘅家庭或者朋友聚會
想靜靜哋傾偈嘅可以入嚟坐吓
店員服務態度幾唔錯
