三味真鍋 (裝修中)

第二次光顧呢間火鍋店，食大閘蟹+火鍋套餐，但戴眼鏡女侍應態度惡劣，俾一盤大滾水客人洗手，問佢拎張紙巾係客客氣氣既，牽強地笑俾你睇，但隨即一野大力踢垃圾桶，擺明俾氣人受，令人仍有餘悸，個價錢唔係話特別平，而且環境都一般，地上有污水不斷流入廚房。

大閘蟹質素參差，有好食既，但都有苦既，但可能十月頭，膏唔多。

其實兩個人都成8百幾，9百，不如搵個環境好點，侍應態度好點既幫襯，強烈建議唔好幫襯，賠錢買難受……..