影片
更多
2019-03-18
234 浏览
好耐之前同朋友係尖沙咀試過一次就留底左好深既印象，一直都想再試，知道九龍灣開咗之後，今日終於搵到機會去食啦。七點幾到排左十五到二十分鐘就入座，打開餐牌就發現同以前唔同，多左好多新鮮菜品🥘。上次兩個人食左三樣野，一個意粉一個飯一個葩菲，今次就冇叫到葩菲🍨，因為驚太飽。唯有揀兩個主菜，經過一輪掙扎，最後揀左白芝士咖喱炸雞讚岐烏冬🍜&鹿兒島和牛漢堡扒咖喱蛋包飯🍛。前者第一啖試個汁就好驚喜，係好creamy嘅忌廉汁，每一下都可以拉到絲🧀，非常好濃郁既口味。從底一撈就發現佢既咖哩汁，烏冬夾左係兩隻湯汁中間，吸收哂兩隻味好正。咖哩汁係日式咖哩帶啲甜帶啲辣🌶，同忌廉芝士汁相輔相成，互相中和對方既微辣濃味同飽膩感，好夾。而炸雞🐔都好香脆，雞肉有調味過，好味。唯一不足既係烏冬底，採用讚岐烏冬，但就無咩口感，唔太煙韌。至於咖哩蛋包飯，漢堡扒依舊咁juicy咁厚實，而且煎得岩岩好，肉質唔會鞋又保持到水份。咖哩同烏冬隻咖哩汁好類似，都係微甜微辣，應該係一樣。蛋包飯🍳既蛋皮好厚帶少少微生，保持嫩滑，包住蕃茄汁調味飯，仲有野菌拌埋一齊，多重口感多重享受。店舖食物質素唔錯，唯一不足應該係店員服務態度，隔離台既小朋友
前者第一啖試個汁就好驚喜，係好creamy嘅忌廉汁，每一下都可以拉到絲🧀，非常好濃郁既口味。從底一撈就發現佢既咖哩汁，烏冬夾左係兩隻湯汁中間，吸收哂兩隻味好正。咖哩汁係日式咖哩帶啲甜帶啲辣🌶，同忌廉芝士汁相輔相成，互相中和對方既微辣濃味同飽膩感，好夾。而炸雞🐔都好香脆，雞肉有調味過，好味。唯一不足既係烏冬底，採用讚岐烏冬，但就無咩口感，唔太煙韌。
至於咖哩蛋包飯，漢堡扒依舊咁juicy咁厚實，而且煎得岩岩好，肉質唔會鞋又保持到水份。咖哩同烏冬隻咖哩汁好類似，都係微甜微辣，應該係一樣。蛋包飯🍳既蛋皮好厚帶少少微生，保持嫩滑，包住蕃茄汁調味飯，仲有野菌拌埋一齊，多重口感多重享受。
店舖食物質素唔錯，唯一不足應該係店員服務態度，隔離台既小朋友突然唔舒服同嘔🤮，嘔到成台成碗成地都係，眼見咁樣我同朋友即刻叫侍應，第一個就專注落單，揮揮左手。再叫第二個見到但去左收碗。第三個見到但去左廚房。第四個望左一望就走左。盡管大家點樣叫唔該，結果要媽媽企左十分鐘靠自己打理。真係好無奈。
张贴
