大門食堂 (已結業)

第一次來嘅時候係印象好好架，嗰日都係叫咗烤魚一夜干，與烤得非常之乾身同埋好味，另外仲有叫咗炸雞。今日係第二次來，點知真係大大大失所望啊⋯⋯今日都係叫咗炸雞，炸雞嘅雞唔錯，有肉嘅質感，可惜炸漿太厚了⋯⋯而且比較細份，個價錢都唔算貴還可以接受啦。另外叫咗份豆腐，豆腐嘅質地不過不失，正如一般豆腐嘅味道，不過豆腐上面嘅係蔥花，而冇姜蓉，呢度就爭小小啦。最令我失望嘅就係我期待嘅燒魚一夜乾，燒魚上到嚟嘅時候竟然有水，係水汪汪的水。我哋慢慢開始食，發覺魚皮下邊全部都係水，而且啲肉仲好魚腥味，質地因為有所有關係都幾淋，失去咗烤魚嘅質感，我只希望下次嚟嘅時候再order，水準會好返啲。