CheckCheckCin 米水茶飲 (已結業)

次次經過呢間鋪都有人排隊買，飲品平均30-40蚊杯，其實都唔平。不過見佢係賣米水，覺得幾特别又健康！所以今次忍唔住買黎試下，叫左柚薑米水(少甜)$30，等左兩三分鐘就有，啲staff都好細心，叫我試下先，如果太甜可以幫我較下味，不過我覺得岩岩好！第一啖飲落薑味幾辣下，難怪佢寫明係暖脾胃，飲左幾啖個人都熱埋😂柚子味幾香，但蓋過米水既味道，飲到底仲有薏米咬下。其實飲落幾唔錯，不過30蚊真係貴左啲，性價比唔高。