大滿屋日本料理 (已結業)

朋友在觀塘區返工，告知我早前食過既大滿屋放題現在做緊第二位半價優惠。之前係同舅父一齊來食，兩個大胃王表弟盛讚。其實食放題我都好鍾意和一大班人一齊，特別係男性。好變態？no no no只是我地女仔食量少，又貪試新鮮，咁就可以品嚐到多D唔同既美食。仲有係睇住佢地狼吞虎咽、狂風掃落葉既樣！就算自己食得少亦有一種超值既感覺！有第二位半價優惠咁抵，一於再次尋味！我們食9:30分時段，上到10樓已看到好多人在等候入座，都好快有位。首先落單刺身先，再去睇下自助飲品櫃。都有好多選擇。嘩！睇到已好吸引！各款刺身有保持一貫水準，肥美、新鮮！吉列蠔今晚細隻少少，但有蠔既鮮味。而榴槤炸彈熱辣辣，香脆外皮、內裡滿滿既榴槤肉香濃、綿滑！燒羊架！好失望！因朋友不好食羊，只order一件。但燒到好乾好硬，而且仲韌韌地，可以係呢個部位唔靚。鐵板辛辣魷魚鬚惹味彈牙，但是再辣D就更好！親子海膽花之戀，海膽幾鮮甜，有幾粒魚子做點綴。三文魚都幾厚，口感好好，魚油好香。日式蟹粥，粥底綿滑，蟹味鮮甜。本來想食甜品，但太夜既關係，都係下次再食啦！但是忍唔住都要食我至愛既韓國雪條，眾裡尋它唯一既哈蜜瓜味！