影片
更多
2011-03-28
409 浏览
想食壽司，曾經係呢到食過驚豔既舌拿魚系列，是日就特意安排黎跑馬地這裡。都有一陣子無黎幫襯，原來已經搬個左隔離街。新地方，當然新左，不過好似細左。平日晚，人未算多，大概一半滿。閒話太多，開餐，講下食過的幾款。食壽司刺身前，小試這裡的芝士酒盜，芝士沒有酒處那個軟滑，不過魚腸就很不錯，夠肥美夠甘香夠濃郁，魚腸夠韌食落有咬口，送酒一流。到壽司刺身，要個壽司盛，貪可以咩都試下。期待既大拖羅同中拖羅水準依然唔錯，肥美，入口溶化而味道濃郁，唔係只有溶化而味淡既拖羅，仍是吃得過的拖羅。甜蝦鮮甜肥美，海胆尚算新鮮，其他幾款的也是不錯。沒有卷物既壽司盛，另要左舌拿魚卷，食完拖羅，顯而個味相對淡，不過仍是充滿油香，滿意的。箱押壽司，之前係大阪食過，印象唔錯，又試下呢到手勢。相比大阪，呢到個飯較為鬆散，個飯食落幾爽，中間有薑蔥，多一個味，成件事升格左。赤身，拿上手柔軟，口感甘甜，唔係果d食落膠狀似果凍般的赤身。另一款係Hamachi，話係是日新鮮，未算肥美，不過幾嫩滑，也不差呢。深海池魚薄切，刀功不錯，夠哂薄，魚夠鮮，切得薄不過甜味依然夠出。食完壽司刺身，要點串燒來伴酒。雞丸，入口鬆化，對我黎講就鬆了點，無左
食壽司刺身前，小試這裡的芝士酒盜，芝士沒有酒處那個軟滑，不過魚腸就很不錯，夠肥美夠甘香夠濃郁，魚腸夠韌食落有咬口，送酒一流。
到壽司刺身，要個壽司盛，貪可以咩都試下。期待既大拖羅同中拖羅水準依然唔錯，肥美，入口溶化而味道濃郁，唔係只有溶化而味淡既拖羅，仍是吃得過的拖羅。甜蝦鮮甜肥美，海胆尚算新鮮，其他幾款的也是不錯。沒有卷物既壽司盛，另要左舌拿魚卷，食完拖羅，顯而個味相對淡，不過仍是充滿油香，滿意的。箱押壽司，之前係大阪食過，印象唔錯，又試下呢到手勢。相比大阪，呢到個飯較為鬆散，個飯食落幾爽，中間有薑蔥，多一個味，成件事升格左。
赤身，拿上手柔軟，口感甘甜，唔係果d食落膠狀似果凍般的赤身。另一款係Hamachi，話係是日新鮮，未算肥美，不過幾嫩滑，也不差呢。
深海池魚薄切，刀功不錯，夠哂薄，魚夠鮮，切得薄不過甜味依然夠出。
食完壽司刺身，要點串燒來伴酒。雞丸，入口鬆化，對我黎講就鬆了點，無左雞丸應有既咬口同彈性，不過雞丸d肉幾嫩，可以挽回唔少分數。牛舌充滿油脂，厚度適中，不錯。雞腎，穩陣，也食得過。銀杏，聞落有點焦，似燒飯團既味，食落異常煙韌，裡面軟身，原來燒銀杏可以有咁既效果，很精彩的銀杏。魷魚鬚，夠軟夠爽，甜甜地，係送酒之選。
雞翼，驚喜的一款，一隻一串，去一半骨方便進食，邊位燒得有點燶，面頭燒得有小小脆，整體唔會燒得太乾，很不錯。最特別的係面頭既黑椒，黑椒個味都好出，夾埋雞翼，好食。
還點了魚頭同炸豬扒下酒。油甘魚頭沒有太多油脂香，少了一般食魚頭既膩，油甘魚頭斬件上，方便食，這魚頭尚算啖啖肉，肉質嫩滑，好食。炸豬扒，炸粉薄身，炸得金黃色，唔油，望落很不錯。豬扒夠厚，有點筋，尚算鬆軟，肉味也不錯，唔係吉列店有這水準，很不錯呢。
埋尾以牛肉豆腐作結，豆腐夠滑，個湯甜甜地，鍋上暖暖地，用黎埋尾也不錯。
芝士酒盜、串燒等等都係送酒之物，少不了要點酒，這裡有唔少選擇，挺滿意的。
這裡樣樣都有d，樣樣都做得挺不錯。服務跟得好足，主動換茶加茶換碟，沒有挑剔的地方。在香港吃壽司刺身，硬要跟產地即食比較，難免有點落差。這裡的，我挺滿意的，價格是略貴，但又未是天價，想吃精緻點壽司，這裡可以一試的。
张贴
