影片
更多
2015-12-22
156 浏览
之前錯過左銅鑼灣分店送既環保袋，今次為左得到個袋，又去左食Create your Taste啦！但一日只送300個袋，放工去到只剩十幾個，好緊張，為左快，當時亂咁點都唔知自己點左乜野醬同芝士？我只知今次要慳住點，因為個袋咁細，一定唔夠位比我放晒咁多料，結果點左12樣佢都嫌多，要減到9樣…我係第289個人得到呢個袋，真好彩～今次有：法式甜飽、100%安格斯牛肉x2、蘋果木燻脆煙肉、甜燒菠蘿、烤蘆筍、嫩滑煎蛋、香軟水牛芝士、經典車打芝士、鮮蕃茄片、原塊生菜、美式BBQ醬、蛋黃醬，飲McCafe Mocha，盛惠$126。另外再加多個泥漿河馬肉阿華田扭紋新地做甜品（河馬係自備既～）！味道方面，我比較鍾意法式甜包，淡淡既甜味為鹹味既料更添層次感！安格斯牛肉有點乾同硬，冇肉汁，雖然比一般麥當勞既牛肉更有牛味更結實，但始終都係平野，質素唔可以同其他較貴價既漢堡店作比較，我係食肉獸當然要食兩塊牛再加煙肉啦！煙肉有燻香，卜卜脆，勁好味，係必加之選！Juicy既菠蘿同牛肉係絕配，都係不可不加既～烤蘆筍味道偏淡，要細味品嚐先會發現佢既存在。至於煎蛋，好薄同煎到好老，我比較鍾意平時豬柳蛋漢堡果塊蛋，滑好多…
之前錯過左銅鑼灣分店送既環保袋，今次為左得到個袋，又去左食Create your Taste啦！但一日只送300個袋，放工去到只剩十幾個，好緊張，為左快，當時亂咁點都唔知自己點左乜野醬同芝士？我只知今次要慳住點，因為個袋咁細，一定唔夠位比我放晒咁多料，結果點左12樣佢都嫌多，要減到9樣…我係第289個人得到呢個袋，真好彩～
今次有：法式甜飽、100%安格斯牛肉x2、蘋果木燻脆煙肉、甜燒菠蘿、烤蘆筍、嫩滑煎蛋、香軟水牛芝士、經典車打芝士、鮮蕃茄片、原塊生菜、美式BBQ醬、蛋黃醬，飲McCafe Mocha，盛惠$126。另外再加多個泥漿河馬肉阿華田扭紋新地做甜品（河馬係自備既～）！
味道方面，我比較鍾意法式甜包，淡淡既甜味為鹹味既料更添層次感！安格斯牛肉有點乾同硬，冇肉汁，雖然比一般麥當勞既牛肉更有牛味更結實，但始終都係平野，質素唔可以同其他較貴價既漢堡店作比較，我係食肉獸當然要食兩塊牛再加煙肉啦！煙肉有燻香，卜卜脆，勁好味，係必加之選！Juicy既菠蘿同牛肉係絕配，都係不可不加既～烤蘆筍味道偏淡，要細味品嚐先會發現佢既存在。至於煎蛋，好薄同煎到好老，我比較鍾意平時豬柳蛋漢堡果塊蛋，滑好多…可能我叫得太多料，蓋過左醬汁同芝士既味道，應該叫多幾份醬汁先夠味！
最nice係整袋果幾個人，因為個袋要等幾個鐘先有得攞，我一路食一路望住佢地整完全部袋我先攞，果時佢地已經收晒野，我攞袋時發現漏左生菜，佢地好nice咁即刻開返晒機幫我整過個新既，仲好有心機慢慢整，免費禮物都咁用心，又唔會夾硬要我要左個犯好少錯既袋，整第二次既時候仲肯比我將好核突既煙肉換成甜蕃薯，真係人間有情！
张贴
