貢茶 (已結業)

OR的排行榜，經常都畀一D飲品、小食店佔據住，其實都係合理的，因為始終價錢比較平又方便，自然多D人去多D人畀好評。所以之前去過一兩次，都冇寫食評，因為覺得佢已經夠好評，已經好多人識得! 但係去過第三次，都覺得佢唔錯，所以今次終於決定寫番!$10一大杯野飲，而且炎炎夏日係旺角街頭，係人都覺得好啦。不過我覺得貢茶的野飲的確係唔錯的，唔係只係靠價錢。第一次去的時候，仲諗住叫杯茉香珍珠，點知原來佢唔係主攻「珍珠」，只係得普通珍珠奶茶，咁就叫左個個啦。唔錯的，奶茶幾香，珍珠都好多。第二次去，叫了招牌的奶蓋綠茶。跟住佢的指示（其實我覺得只係D花臣，下次可以直接搞暈飲），先飲一飲面頭的奶，酸酸的好D奇怪。之後飲一飲綠茶，本身好鐘意綠茶的味道，也覺得不錯。最後搞暈左之後再飲，雖然奶係酸酸的，但整體的感覺好好，茶香又唔會太漏，奶同茶的比例係啱啱好的，很滿意!最近一次去，諗住試下新野，叫左個冰咖啡。咖啡味幾派，唔會太甜，雖然唔係話非常之好，但$12，比對面的星巴克不知平幾多。第三次光顧佢先有「印花卡」（即係飲夠十杯野就有一杯免費）的主意-_-...不過又有第二次理由等我再去幫襯。