芝樂坊餐廳

上年中既時候去過CHEESECAKE FACTORY一次，感覺咸食唔錯，Fried Macaroni and Cheese 連同行朋友都話幾好。諗住食過翻尋味，今次一定要叫啦～Fried Macaroni and Cheese 徹底失望～成舊野好似未熟咁。外面就脆卜卜，裡面食到成口粉。芝士又唔溶，杰撻撻都唔知食緊咩。Factory Nachos 唔記得影相，D Nachos好似未炸熟咁.....結果３個人每人食左幾塊成碟冇郁過。Fish And Chips 本來以為今日炸野個位同事心情唔太好全部炸物如同炸藥不能觸碰，出乎意料Fish & Chips OK喎炸魚有份，味道都唔錯，但炸粉有點厚。薯條炸得香脆。The Everything PizzaPIZZA皮薄到拎唔起，邊邊脆口，除左個邊之外，個PIZZA好咸，唔知點解有陣燒臘味。可能FUSION左，所以叫Everything Pizza啦～總概而言，不了，冇下次。