Sevva (已結業)

為咗慶祝朋友生日 揀咗Sevva high tea吹水食蛋糕識坐一定坐出面 梳化好舒服 係有啲怕條裙走光啫 雖然好大風 不過我地四個女仔繼續瘋狂自拍第一時間叫咗個蛋糕先係咪好靚呢 有支煙花咁嘅嘢燒㗎 影相mode Hahaa 蛋糕好好食 原本以為一定好睇唔好食 甜到爆點知唔太甜 我接受到嗰幾隻mini burger簡直有驚喜 唔知係唔係太肚餓 我記得有雞有魚 我食嗰隻係雞扒 唔會搶晒味 個包夠鬆化 加咗少少醬喺入面感覺幾樣嘢一齊個味道啱啱好另外有個素食嘅壽司卷 不過不失幾清新服務一流啦 主動幫影大合照價錢每人大約四五百蚊有機會可以再去嘅