Tivoli 意大利餐廳

营业中

休息中

01/09/2005 20:30慶祝友人生日，一行四人去了這間歷史悠久的意大利餐廳晚飯。之前是到過的，但只限於午餐，晚餐則是第一次。還記得這裡的午餐十分便宜，且看看晚餐否同樣抵食！這家餐廳集合了浪漫的兩大原素：燈光昏暗同檯上放了燭臺，所以情調算是不錯，但空間感就嚴重缺乏，差不多是椅背貼椅背。打開餐牌，合心水的不是沒有，但就總是懶得去諗，所以最後叫了個四人套餐。當中包括：湯、沙律、牛柳、蝴蝶粉及薄餅各一。湯大家都選了意大利菜湯，幾濃郁的蕃茄味，唔錯。沙律一整碟上份量不少，以生果為主，加上幾條romaine，各種食物都相當新鮮，食落好清新。牛柳大概七成熟，非常肉嫩及多汁，係成晚最好食o既菜式。淋上的磨菇汁亦見濃郁鮮味，不錯。海鮮蝴蝶粉的配料比粉還多，茄醬味道甜中帶酸非常開胃，加上香草格外清新。不過始終都係覺得意大利粉好食o的。薄餅餅底焗得香脆，材料多，不過味道唔見突出，茄醬同芝士都好似少左o的。總體來說算幾好，四人餐包飲品$400，唔包就$328，最後連加一$361埋單。