茶咖宅 (已結業)

第一次Lunch Time  「偷走」，唔同同事食例飯，搵新野試食。經過呢間店，鋪大，Lunch time唔算多人，就入去試試。收埋電話响枱底，偷偷搜完openrice食評，見飯意攻心，決定揀义燒蛋飯。飯來了，上環$48蚊黎講，係幾實惠既，炒蛋又厚又滑，义燒大大件，甜鼓油汁好似再溝左蜜糖，更易入口。仲有熱飲送，附近類似既店實貴多廿蚊。不過量就差少少，小肥妹既我只係剛剛好（唔排除會食下午茶），反而見到隔離位既All day breakfast 量多好多⋯算啦，下次再試。