別府駅前料理 (已結業)

第一次到別府其下既餐廳飲飯，之前聽聞過話佢大名。琴晚去開旺角，就請揀左呢間試試。７點前入坐，唔洗等就有位。拿起菜單睇睇，先揀左燒牛舌、雞軟骨同豬軟骨，再來一客梅壽司，最後一round叫左豬軟骨拉麵同血池軟骨。冇叫sake，因怕醉。豬軟骨有都幾多豬肉係上面，我朋友鍾意，我就認為太軟林林喇。牛舌片得好厚，要慢慢趙。雞軟骨好食。梅壽司有８件魚生壽司同６件蟹子卷，食左唔係覺得好有味，可能傷風仲未好瓜。聽聞拉麵好出名，所以叫來試試，竟然係大失所望。個拉麵太林，都唔洗趙既。環境尚好但dee枱好密，隔離個女士講話幾大聲，影響晒食慾。既然食飽飽，就拿拿聲閃啦。服務都算好，揚手一陣就有人行埋黎，要呢要老都好快拿來，黑口黑面都冇，好！只係差在個麵，相信唔會再來。