慢烤燒肩肉，雖然個外表就麻麻，但係一切開就有驚喜，因為有好香好香嘅燒烤味！而且肉質好嫩，整到有啲似牛肉！佢有得俾我揀九成定係全熟，由於係豬肉嘅關係，都唔敢揀9成！
佢個薯蓉底都整得好好食，有好燶香嘅牛油味，旁邊仲有啲酸菜，唔知點解撈埋個薯蓉就好好食！雖然明知道好肥，不過都唔理啦食咗先算！
📍煙三文魚凱撒沙律
爽口嘅西式生菜，加上三大片煙三文魚，仲有大量芝士碎，好味！
📍火百合花茶
有好香嘅花味，佢聲稱有止咳潤喉......養顏etc 的功效，咁飲落又幾舒服？
📍Apple Crumble
呢個甜品係boss 推介嘅，因為好似點都要食返個甜品先至完滿！不過不失啦，連個畫花都靚過人，真係睇見都開心laaaa🤣
📍熱桔蜜
正常養生飲品
