更多
2010-01-18
68 浏览
之前上網睇過呢間海天一色燒烤場有單車同滑梯比小朋友玩, 仲要有BB玩果D摟摟車. (之前去過元朗一間燒烤場, 因為無野比小朋友玩, 攪到百厭仔去攞炭食)所以就決定去呢間. 咁大人就可燒野食, D靚仔就可在大人視線範圍自己玩今日我地一行五大人, 一小童加兩個識行識走o既BB, 由老公揸車兩點鐘到達, 呢度有個幾好o既停車場比人泊車, 起碼唔係爛泥地呢間最好就係全日任燒, 唔會限時, 大人 $78.00, 小童 $50.00 兩個識行識走o既BB當然免費啦, 包一支水及一罐飲品/水 (另外買飲品$8.00一罐/ 支裝飲品$11.00)入到去有尊人開爐, 雖然用手撥比較古舊, 但總之整得著個爐就得啦講番D野食---都好多種類最好味係叉燒 (唔係細細粒, 係一舊舊, 方便叉住, ) 味道唔錯豬扒--夠大塊, 幾好味雞翼--有兩款味 (咖哩同香茅), 我鐘意香茅多D腎--黑椒味, 辣辣地, 幾好食墨魚丸--幾彈牙, 唔錯茄子都幾新鮮其他都係一般野食--牛丸,火腿丸, 獅子狗, 魚肉燒賣, 豆腐卜, 大紅腸, 小紅腸, 芝士腸, 廚師腸, 司華力腸, 咖哩魷魚, 多春魚, 方包/蒜蓉包.....但
有單車同滑梯比小朋友玩, 仲要有BB玩果D摟摟車. (之前去過元朗一間燒烤場, 因為無野比小朋友玩, 攪到百厭仔去攞炭食)
所以就決定去呢間. 咁大人就可燒野食, D靚仔就可在大人視線範圍自己玩
今日我地一行五大人, 一小童加兩個識行識走o既BB, 由老公揸車兩點鐘到達, 呢度有個
幾好o既停車場比人泊車, 起碼唔係爛泥地
呢間最好就係全日任燒, 唔會限時, 大人 $78.00, 小童 $50.00 兩個識行識走o既BB當然免費啦, 包一支水及一罐飲品/水 (另外買飲品$8.00一罐/ 支裝飲品$11.00)
入到去有尊人開爐, 雖然用手撥比較古舊, 但總之整得著個爐就得啦
講番D野食---都好多種類
最好味係叉燒 (唔係細細粒, 係一舊舊, 方便叉住, ) 味道唔錯
豬扒--夠大塊, 幾好味
雞翼--有兩款味 (咖哩同香茅), 我鐘意香茅多D
腎--黑椒味, 辣辣地, 幾好食
墨魚丸--幾彈牙, 唔錯
茄子都幾新鮮
其他都係一般野食--牛丸,火腿丸, 獅子狗, 魚肉燒賣, 豆腐卜, 大紅腸, 小紅腸, 芝士腸, 廚師腸, 司華力腸, 咖哩魷魚, 多春魚, 方包/蒜蓉包.....
但蒜蓉包味道怪怪地, 大紅腸, 司華力腸, 魚蛋 口感有D "林" , 麻麻地
呢度D職員幾好, 去攞野食同野飲都同你講多謝晒, 見我地加左炭後個爐唔夠火, 都主動同我地整
我地燒到成八點幾先走人, 大人同細路都非常盡慶!
我地下次會再黎!!
张贴