喜茶 (已結業)

我本身心目中覺得最最最好飲既芋頭手搖係迷客夏既大甲芋頭鮮奶😍而今次試埋喜茶依杯都覺得唔錯既，各有特色👍🏻-依杯芋泥波波佢有得揀要芋頭顆粒或者純芋泥💁🏻‍♀️咁飲得芋頭野當然係要有顆粒先有口感會更好飲啦，但喜茶揀左顆粒都係有一半係比左芋泥，當成堆芋泥飲落肚都幾濟😶同埋叫左少少少糖都係偏甜，但係又冇得揀無糖禾🤷🏻‍♀️反而可以揀多糖請問邊個會揀😅-另外佢仲會配埋芋圓波波，食落煙韌但偏淋身，似麻糬多啲，但都不俗既👌🏻因爲杯身鋪滿芋泥會越飲越甜，下次飲之前可以搞勻啲中和下先，試下會唔會好啲呢🤔