影片
更多
2018-05-29
141 浏览
因為夜晚買咗飛係度睇戲，所以諗住早啲嚟食dinner。揀咗間係戲院隔離嘅西餐，見到餐牌好似唔錯咁，就入咗去！餐牌中英對照，好貼心，更加加分嘅位係自己用平板下單，店員先簡介食物推介，之後我哋可以睇下平板嘅食物相啱唔啱心水先叫。我哋總共叫咗4樣嘢！分別係炸軟殼蟹沙律、香煎味噌銀鱈魚配炒薯仔&炒雜菜、Meat Gourmet Pizza同埋Tisamisu On Pancakes。先嚟嘅係沙律，沙律份量一啲都唔細，沙律菜有我最愛嘅火箭菜同羽衣甘藍，加上柚子沙律汁好開胃，主角軟殼蟹好香脆，熱辣辣，同埋好大隻，好好食！再嚟香煎味噌銀鱈魚配炒薯仔&炒雜菜，雖然魚好細舊，比較上唔算話好抵食，但係味道就好好，醬汁微甜，有啲日式醬汁嘅味道，燒過後更加香，仲有甘筍、菜同薯蓉都好好食，因為魚味道偏濃，所以薯蓉嘅味道就偏淡，平衡返，兩者配搭好夾！Meat Gourmet Pizza，餡料好豐富，第一次食牛小排肉同雞柳嘅pizza，好惹味！Pizza 有8件，2個人嚟講真係好大份，我哋2個人都係慢慢食先食得完，不過又真係好好味嘅！最後就係個Tisamisu On Pancakes，呢個真係必食！第一次食panc
餐牌中英對照，好貼心，更加加分嘅位係自己用平板下單，店員先簡介食物推介，之後我哋可以睇下平板嘅食物相啱唔啱心水先叫。我哋總共叫咗4樣嘢！分別係炸軟殼蟹沙律、香煎味噌銀鱈魚配炒薯仔&炒雜菜、Meat Gourmet Pizza同埋Tisamisu On Pancakes。
先嚟嘅係沙律，沙律份量一啲都唔細，沙律菜有我最愛嘅火箭菜同羽衣甘藍，加上柚子沙律汁好開胃，主角軟殼蟹好香脆，熱辣辣，同埋好大隻，好好食！
再嚟香煎味噌銀鱈魚配炒薯仔&炒雜菜，雖然魚好細舊，比較上唔算話好抵食，但係味道就好好，醬汁微甜，有啲日式醬汁嘅味道，燒過後更加香，仲有甘筍、菜同薯蓉都好好食，因為魚味道偏濃，所以薯蓉嘅味道就偏淡，平衡返，兩者配搭好夾！
Meat Gourmet Pizza，餡料好豐富，第一次食牛小排肉同雞柳嘅pizza，好惹味！Pizza 有8件，2個人嚟講真係好大份，我哋2個人都係慢慢食先食得完，不過又真係好好味嘅！
最後就係個Tisamisu On Pancakes，呢個真係必食！第一次食pancake，叫Tisamisu 味真係明智選擇，pancake好香同埋唔會扁晒，有少少油膉味，不過唔係好明顯，加上啲咖啡粉同蜜糖配搭，真係好邪惡，食到一半已經好飽肚！
整體黎講，雖然地方唔係話好方便，不過呢間餐廳個人覺得好食，值得再嚟食架！男朋友都話pancake正！
张贴
