佳記甜品 (已搬遷) 新店位置

個日去到元朗，食完晚飯，梗係要去著名既佳記食B仔涼粉，咁岩有3個Friend，於是就去食一次B仔涼粉。去到間鋪頭，比我想像中既更加多人，大約有20個人等緊位，我地係個度叫左4人之後等左20分鐘左右先入到去。坐低後，二話不說叫左個B仔涼粉，等左接近5分鐘就到，個涼粉真係好大碗，好彩有4個人一齊食，每樣生果都有好幾舊，西瓜、蜜瓜又甜又爽，仲有波蘿同木瓜等等，多到數唔晒，重點係D椰果，椰果配埋D生果到一齊食真係夠晒清甜。最底既涼粉配合埋花奶一齊食，亦都令到涼粉充滿左花奶既滑同香味。其實，70蚊左右可以食到咁多清甜既生果同埋一大碗涼粉，係超抵食之選，下次一定會再黎！