盈記四季養生麵館 (已結業)

今日要去灣仔開會， 開完會都7點， 就同同事在附近覓食。同事推介“盈記四季養生麵館”， 我未食過， 又想支持小店， 所以就決定去幫襯。店舖面積不大， 客人都唔算大多。原本想叫二人餐， 但大家都唔太餓， 所以各自揀。我揀左藥膳農場雞花膠米線。大大的花膠配兩件滑雞， 雞肉滑嫩， 花膠淋得黎有口感， 加上大量藥膳配料煲成的湯底， 好香， 鮮甜可口。而我愛吃芫荽的朋友就點了藥膳農場雞加芫荽養生湯， 見到超多芫荽， 芫荽愛好者可以一試。食完早點休息， 明天繼續博殺。