影片
更多
2007-12-07
9 浏览
之前睇到"廚神館"既介紹, 因為朋友住大角咀所以尋晚就走去試下勒, 原來地址係我地平時成日都行過既HSBC大樓對面咋, 唔講真係唔知係依度, 唔起眼架, 行過都剩係留意到隔離轉角位果間酒吧, 請番野食先: 我地2個人嗌左墨魚餅飯同美極薄牛飯, 2個人都認為墨魚餅好好味, 比想像中既更加好味, 一粒粒既墨魚肉好有口感, 唔似出面果d加左野既墨魚膠彈牙得黎口感好假,美極薄牛飯就不過不失啦~ 牛扒都唔錯, 不過個汁好甜, 朋友食左一啖話好甜, 我唔信咁我又試下啦, 因為我食得甜又鍾意D"送"甜甜地既, 點知連我都覺個汁甜得滯, 同埋唔係好覺有美極味, 朋友就話都有少少既, 可能太甜關係我食唔到, 相比之下墨魚餅實在太好味朋友食食下都想嗌個墨魚餅飯replace個薄牛飯, 不過我地驚太飽, 所以我分左我個飯比佢食算數lu, 食飽飽之後老闆都有問我地好唔好食,我地如實答佢啦,佢話咁岩個薄牛飯另一個師父整可能咁岩落重手左糖,因為好多時d客都話薄牛飯咸既居多, 唔知係咪真係咁岩呢~!? 下次再些下其他野~ 見到早餐有墨魚肉通粉同古法粉仔都想試下
张贴