影片
更多
2014-02-22
1965 浏览
第一次食豚王，之前都有聽過佢個大名，知道係尖沙咀嗰間要排好耐隊。今日入開沙田，朋友提議食豚王，又有得用手機app擺定飛，就試下佢~我地開車時攞飛，約二十分鐘後到達，已經過咗兩張，但都有得即刻入。（但我估因為係平日夜晚，如果星期六日要預多啲時間。）入到去，我地一行四人撘枱坐六人枱，由於有對情侶並排坐一邊，令朋友要自己坐佢地個邊，覺得唔係咁方便。是但啦，好快食完嘅。叫嘢食，大家可能都知主要得四個選擇「豚王、黑王、赤王、翠王」。之後再選自選其他小項目如辣度，麵的軟硬度，要唔要蔥等等，其實我覺得只係令客人自我感覺良好，好似有選擇，但其實分別不大。朋友分別叫咗豚王，翠王，我叫咗赤王，落單要等十五分鐘。吹水其間聽到一齊坐對情侶話好咸，令我有啲不安。之後，麵到了。食我嘅赤王先！一食，好彩唔算咸，但真係平平無奇無特別，辣得唔夠香。再試朋友嘅翠王，好油，芝士味唔算勁，香草味好大股草青味，可能係我食唔慣，明明我同朋友叫咗唔同硬度嘅麵，但食起黎都一樣。埋單豚王83，赤王、翠王93，無加一。總括而言，服務ok，會講解如何落單，環境一般，要搭枱同啲凳唔好坐。食物真係普普通通，唔知係咪分店做得唔好呢？唔會再黎依間
我地開車時攞飛，約二十分鐘後到達，已經過咗兩張，但都有得即刻入。（但我估因為係平日夜晚，如果星期六日要預多啲時間。）
入到去，我地一行四人撘枱坐六人枱，由於有對情侶並排坐一邊，令朋友要自己坐佢地個邊，覺得唔係咁方便。是但啦，好快食完嘅。叫嘢食，大家可能都知主要得四個選擇「豚王、黑王、赤王、翠王」。之後再選自選其他小項目如辣度，麵的軟硬度，要唔要蔥等等，其實我覺得只係令客人自我感覺良好，好似有選擇，但其實分別不大。
朋友分別叫咗豚王，翠王，我叫咗赤王，落單要等十五分鐘。吹水其間聽到一齊坐對情侶話好咸，令我有啲不安。之後，麵到了。
食我嘅赤王先！一食，好彩唔算咸，但真係平平無奇無特別，辣得唔夠香。再試朋友嘅翠王，好油，芝士味唔算勁，香草味好大股草青味，可能係我食唔慣，明明我同朋友叫咗唔同硬度嘅麵，但食起黎都一樣。
埋單豚王83，赤王、翠王93，無加一。
總括而言，服務ok，會講解如何落單，
環境一般，要搭枱同啲凳唔好坐。
食物真係普普通通，唔知係咪分店做得唔好呢？唔會再黎依間。
张贴
