劉興記生煎包專門店

营业中

休息中

食咗生煎包同埋上海排骨菜飯，生煎包係幾好食嘅，上海排骨菜飯同埋豆漿都好普通。啲位要坐到好迫，食得好辛苦轉身都轉唔到，咁我就一個人去食同另一位小姐搭枱，食到咁上下，對面嘅小姐唔小心噴飯，因為太近嘅關係，我所有嘢全部整污糟晒，冇再食落去。值得一提係，店員態度惡劣（手戴金撈個位），不時見佢呼喝顧客，尤其是老人家，佢哋只係問佢一兩句嘢，就俾佢好唔耐煩咁鬧。就算呢間嘢幾好食都唔會推薦，呢啲舖頭一見生意好，就認為閙客都唔緊要。排隊去食去售罄係絕對唔建議，如果係都要食就最好叫外賣，會俾人閙少d。