彌敦粥麵家

今日氣溫驟降，一定要食啲暖笠笠嘅嘢，今日想食生滾粥，拔兄話佐敦有間有幾十年歷史嘅粥舖，有出名的魚皮，雖然佢曾經問過我有冇食過，但我冇為意佢介紹係點樣的魚皮，以為係炸的，所以一直冇去食，今天既然我提出食粥，佢又再順道講叫我試下，好。

一入去，果然係舊式的裝潢，還聞到陣陣gas味，大抵係煮生滾粥用嘅爐具發出嘅氣味……

點咗拔兄推介嘅薑蔥灼熟魚皮、裹蒸糉，再加個魚腩粥及油菜2個人SHARE，好飽飽啊...

裹蒸糉大大隻，好多料，好夠味，真係好食。。。。
魚皮，第一眼見好似剛剛劏好條魚而起的魚皮，樣子生生的，但原來已灼熟了，第1啖入口~爽滑，口感似海蜇、木耳，加埋豉油、麻油、薑蔥，估吾到咁好食，一D都吾腥，VERY GOOD呢。。。
魚腩粥，賣相吾錯，粥底綿綿，可能魚腩在粥裹浸得耐咗，有點過熟而腍，魚有少許草味，我應該加D胡椒粉。。。

响呢度食嘢好有懷舊感覺，食物可食到兒時的味道，不錯不錯！

1

1

足料入味

$48

香滑爽脆

$40

生滾魚腩粥

$43