麻辣妹 (已結業)

本人比較喜歡食辣，見到裝修唔錯入去試一試。

今晚我同太太兩個人叫咗兩碗米線，兩個小食和兩杯凍飲：

豬大腸，冬瓜片小窩米線（酸辣）
雞中翼，蘿蔔小窩米線（麻辣）
麻辣青瓜
麻辣牛柏葉
凍檸水和凍檸茶

埋單$148

湯底好味，同譚仔南記有分別，幾有特色！
但配料就一般，豬大腸好難咬開，烹調時間唔夠。冬瓜片和蘿蔔片亦都一樣，都是比較硬，烹調時間唔夠。而雞中翼就一般，都熟嘅。

想讚一讚兩個小食，麻辣青瓜好爽好新鮮！牛柏葉上枱時仲熱，唔係幾入味，但個麻辣汁好好味！


食得多譚仔同南記嘅朋友，可以試一試呢間，湯底係幾好！