本身以為西班牙菜會比較貴 但lunch時段每個lunch set平均都係大約70蚊 仲包埋沙律或餐湯 以及咖啡或茶 普普通通食個lunch都ok抵 但係我哋當然唔會普通通食啦 要食就搞大佢🤣🤣
首先我哋叫咗兩個lunch set 西班牙辣肉腸特色餡餅 同埋三文魚牛油果焗飯 餡餅係用兩塊應該係taco嘅嘢包住啲餡 食落餡料好足 又唔會太鹹 但係唔食得辣嘅朋友仔要小心 因為呢個真係幾辣下 另外焗飯非常好食 佢成功焗到啲飯好彈口唔會濕但又冇飯焦 牛油果同三文魚加埋一齊嘅組合食得令人好滿足 但係又比較健康 整體唔錯
另外當然要試下佢嘅tapas la 百幾蚊可以食到三款 啱曬我呢啲貪心嘅人🤣 當中黑松露薯條同埋紅酒肉丸好好食 薯條做到真係好似外國食到嘅 非常粗身脆口熱辣辣 紅酒肉丸嘅肉質都相對彈口 呢間可以encore🤪
