影片
更多
2017-03-13
10376 浏览
男朋友之前去台灣食過臭臭鍋，佢突然話想食，所以我地就上網搵下，點知香港真係有臭臭鍋，所以星期五就黎食啦。黎到都見到好多人排梗隊，可能係星期五特別多人。一入到店已經有一陣臭豆腐味，我地叫左兩個鍋同兩杯飲品，一個鍋跟粉絲，另一個鍋就加十二蚊轉滷肉飯。男朋友叫左臭臭鍋，我都偷食左少少佢d野。其實我覺得呢個鍋比想像中清，湯底幾清新，有少少辣（因為叫左小辣）同有少少沙嗲嘅感覺。呢個鍋嘅材料都幾台式，有牛，蜆，豬紅，米糕等等，當然臭豆腐係重點。因為我冇咩點食過台式火鍋，所以d材料對我黎講都幾特別。米糕好好食，煙煙韌韌咁，吸埋d湯汁好香濃。雖然佢係臭臭鍋，但佢嘅臭氣岩岩好，冇臭到頂唔順，湯都幾清新，所以一啖接一啖咁。另外，個鍋嘅份量都好多，一個人食都好飽。我就叫左一個台式麻辣鍋。我覺得麻辣鍋比臭臭鍋仲好食，今次係我第一次食麻辣鍋，我叫左小辣，所以辣味唔係好勁，麻嘅成份居多。雖然麻辣鍋同臭臭鍋我地都係叫左小辣，但麻辣鍋係比臭臭鍋辣d,但我更中意麻辣鍋嘅湯底味道。麻辣鍋嘅材料都有d唔同，有牛肉，台式餃，豬紅，醬爆丸等等，材料都幾吸引，牛肉份量都幾多。我幾中意呢個鍋有唔同嘅海鮮，令鍋嘅鮮味更加突出😋😋另外
一入到店已經有一陣臭豆腐味，我地叫左兩個鍋同兩杯飲品，一個鍋跟粉絲，另一個鍋就加十二蚊轉滷肉飯。
男朋友叫左臭臭鍋，我都偷食左少少佢d野。其實我覺得呢個鍋比想像中清，湯底幾清新，有少少辣（因為叫左小辣）同有少少沙嗲嘅感覺。呢個鍋嘅材料都幾台式，有牛，蜆，豬紅，米糕等等，當然臭豆腐係重點。因為我冇咩點食過台式火鍋，所以d材料對我黎講都幾特別。米糕好好食，煙煙韌韌咁，吸埋d湯汁好香濃。雖然佢係臭臭鍋，但佢嘅臭氣岩岩好，冇臭到頂唔順，湯都幾清新，所以一啖接一啖咁。另外，個鍋嘅份量都好多，一個人食都好飽。
我就叫左一個台式麻辣鍋。我覺得麻辣鍋比臭臭鍋仲好食，今次係我第一次食麻辣鍋，我叫左小辣，所以辣味唔係好勁，麻嘅成份居多。雖然麻辣鍋同臭臭鍋我地都係叫左小辣，但麻辣鍋係比臭臭鍋辣d,但我更中意麻辣鍋嘅湯底味道。麻辣鍋嘅材料都有d唔同，有牛肉，台式餃，豬紅，醬爆丸等等，材料都幾吸引，牛肉份量都幾多。我幾中意呢個鍋有唔同嘅海鮮，令鍋嘅鮮味更加突出😋😋
另外，跟鍋有一個飯/粉絲，加12蚊可轉滷肉飯。我地一個轉左，一個無轉。滷肉飯比想像中好食好多，令我地好有驚喜。滷肉份量好多，粒粒分明，而且調味好好。飯嘅油脂分佈平均，粒粒飯都有亮晶晶嘅油包住，比我之前去台灣食嘅滷肉飯更好食。而且佢細細一碗已經好有飽足感，完全冇後悔加錢轉。粉絲係好幼個種，一開始好驚好快變冧，但發現佢嘅軟硬度keep得幾好，仲可以吸收d湯汁。
我地都叫左兩杯飲品，柑桔檸檬梳打好清爽，甜度岩岩好，柑桔檸檬同梳打嘅比例掌握得好好，好飲過好多台式飲品店。火鍋搭配有汽飲品真係好夾，食到個口熱辣辣個陣飲真係好爽
另外一杯叫左熱飲，呢杯冇梳打咁好飲，味道偏清淡，比較注重茶味，佢有好香嘅茶味，入口奶味好香滑，但可能火鍋冇咁岩飲熱飲，所以我覺得冇咁出色。
呢間店價錢合理，食物質素好，特別係麻辣鍋，滷肉飯同柑桔檸檬梳打。不過都有幾多人排隊，所以想平日再食多次
张贴
