大廚料理 (已結業)

可能工作關係，平時好少機會同一大班朋友出去食飯，所以無乜機會可以去食到私房菜，前排經理話請食飯當作節，我心諗應該都係嗌下啲pizza嗰啲，點知今次竟然咁有誠意嗌私房菜到會😍首先黎到最吸睛既一定係個刺身拼盤，入面有煙三文魚，北海道帶子，鮑魚絲，再配埋好多配料，成碟野睇落已經好鮮艷，啲刺身真係超級新鮮，配埋柚子醋黎食真係愈食愈開胃食到停唔到🤣再黎就係個生炆東星班腩，啲班腩好有咬口，唔會話炆到一咬就爛曬散開曬嗰種，炆到岩岩好，而且啲汁亦都完完全全入曬啲班腩入面好惹味，食左幾舊亦都唔多骨，真心推介😎個富貴炒飯亦都完全發揮到應有既水準，粒粒分明，好香既炒飯味，食得亦都相當有鑊氣，一間有質素既餐廳就係可以做到連咁基本既一個炒飯都令你覺得有驚喜想讚多兩句，掂👍🏻👍🏻