J.L. Private Kitchen

营业中

休息中

妹妹生日，揀左食私房菜。一家4口一早揀好左各自想食既野回覆餐廳。見佢唔收開瓶費同切餅費，我地帶埋私家酒同蛋糕😂地方比想像中大，環境幾靚有氣氛，座位唔逼，但staff就比較少（廚房二人，侍應一人），始終私房菜嘛。待應同我地核對好餐牌之後，就食住面包等上菜，面包個橙色醬幾特別，但我地唔知係咩醬😂食私房菜好處就係生鮮！邊款生蠔靚就出邊款，勁生鮮！帶子蘋果沙律勁鮮甜！湯我揀左黑松露野菌忌廉湯，不過理失，但家人揀左龍蝦湯就話比較濃味同鹹。到first course，個意粉成板海膽好吸引！三文魚芝士薯蓉批好好食！三文魚好香！Main course 龍蝦帶子好新鮮！鱈魚肉質靚又煮得好好食！羊架有份量又好味，好滿足！甜品係原個椰皇燉燕窩，有不少燕窩同桃膠，好清甜，但入面有成舊冰，對我來說凍了一點。食物新鮮好味，環境優美，是個好地方，但一家人食飯都想同時開動，如果各人上菜速度可以拉近翻就更加好。