Paintable Cafe (已結業)

什少到上環食嘢，因朋友推介上環有間餐廳要去試試。趁著星期日，同媽媽去上環行吓街，再一齊去試吓呢間餐廳。餐廳外牆以白色為主，有點西式風格。餐廳內裡裝修簡潔，環境舒適，佈置溫馨，牆上有色彩繽紛嘅壁畫，富有特色。😋餐廳使用QR code點餐，是日選擇： 1️⃣帶子黑松露蘑菇意粉🍽黑松露味香濃，帶子大大粒，煎得微微焦香，磨菇、洋蔥配埋忌廉汁，令意粉更香更好味。2️⃣香蕉榛子醬牛角包窩夫配雪糕🍽牛角包窩夫外層酥脆，內裡陣陣牛油香，窩夫上有幼滑嘅忌廉，上面放上有層脆脆焦糖嘅香蕉，榛子醬，再加上雪糕，是非常邪惡嘅組合。3️⃣棉花糖牛角包窩夫配雪糕🍽色彩繽紛嘅綿花糖，口感鬆脆嘅牛角包窩夫，配埋雪糕，好滿足。4️⃣Passion Fruit Soda🍽健康嘅熱情果，口感清新，唔會太甜，啱晒熱到溶嘅天氣飲。5️⃣Lemonade🍽酸酸嘅檸檬味，令你開胃醒神。