囍慶酒家

营业中

休息中

講真我都係第一次去到科學園食晚飯，原來環境好大好舒服，都好新淨。片皮鴨任食都係我聞所未聞，第一次食。頭盆有茄汁大虎蝦，仲有蠔皇鮑魚，鮑魚好大隻炆得好腍。仲有個燉湯，真係超級好味！片皮鴨係以自助形式自己出去拎，會不停refill，仲會見到職員即場喺度片。我地兩個人去食，小菜唔係試咗好多：竹笙燴上素、脆皮炸鮮奶、乾燒伊麵。最緊要係有海鮮食🥹白灼海生蝦、酥炸廣島蠔、潮式浸花甲、仲有鮮魷同魷魚鬚。點心都有好多，都係自助形式去拎，我哋就拎咗燒賣同蝦餃。其實佢仲有好多燒味可以嗌，例如係口水雞燒腩仔，但係我哋已經食到唔得了。飲品都係一個我好驚嘆嘅地方，就係佢嘅紅白酒係任飲，亦都有橙汁同埋唔同嘅汽水，連鴨屎檸檬茶都有。最後最後，要食埋個甜品，就係桂花糕，出面都仲有杯裝雪糕任拎。我覺得呢度性價比極高，最好叫多啲朋友一齊嚟咁就可以試晒唔同嘅餸。中菜放題，我都係第一次，我覺得好滿足。