海底撈火鍋 (金巴利道)

营业中

休息中

每次經過海底撈，都會因為長長嘅排隊而放棄。今次朋友話排隊都要食，我地真係排咗個零鐘...不過海之戀分店有兩個好處，一係海之戀多野行，可以一邊行住街，一邊留意個app排隊仲有幾多個位先到；二係海之戀分店門口有位俾人坐住等。門口有個corner 係幫人美甲嘅，估唔到又真係會有人去整。入座後都係叫麻辣湯底同花膠雞湯底，個花膠雞湯好飲，店員服務真係好好，主動問我地要唔要提供小朋友餐具。循例叫好多野食，朋友話油麻地店食物嘅選擇多d，問咗店員又真係間間分店供應嘅菜式都會有少少分別。btw我而家先知佢哋嘅黃喉係豬嘅大動脈定氣管嚟，都幾薄幾爽口。臨尾仲有糖水同雪糕糯米滋食😂第一次幫襯，睇過拉麵舞，聽過so茜茜歌，見識過隔離枱嘅生日慶祝；佢地野食可能唔係最好，但服務係真係做得好體貼。最後店員姐姐仲送咗個夾公仔機玩具俾小朋友，皆大歡喜。