三田製麵所 (K11購物藝術館)

营业中

休息中

同事今日午餐建議，不如去食好東西，於是就決定去食日本餐，話去試下沾麵，而我又未食過沾麵，所以又興奮又期待，跟著同事來到k11, 我都完全唔知道有間食沾麵的店舖，好好彩去到唔駛等，即刻有位坐。原來大家都一樣未來過這間店，所以餐牌睇完叫最基本的沾麵，另外碗麵的份量都有分大、中、細，價錢都是一樣，所以大家一致決定要碗大，落單後在等緊的期間，發現餐牌背後有教人怎樣食沾麵，所以碗麵來到就跟著指示來，首先碗麵確係多，而麵係冷，旁邊有一細碗濃湯，濃湯上面有片紫菜，我夾起小小麵放落濃湯，麵條就立即沾上濃湯，好香的豬骨味，不過稍為有點偏咸，由於麵較淡，配上濃湯都是不錯，還有一大片叉燒，一樣要配上湯汁先至好味，食晒碗麵時湯汁都已無了，如果仲有濃湯剩，可以叫侍應加上清湯，再飲埋碗湯，第一次食整體都覺得係不錯，令我都開始喜歡上沾麵。