老掌櫃東北菜館 (利奧坊) (裝修中)

第一次食東北菜，同同學一齊聚餐，感覺還可以，沒有特別驚艷，但係都有踩雷，鍋包肉係好明顯嘅酸味，大家都冇點食，同埋我個人覺得比較硬，唔係咁好咬。酸菜餃子都冇特別嘅酸菜味，可能酸菜汆白肉會更有東北特色？以後有機會可以試一試。唔知係今日降溫嘅緣故定係菜嘅緣故，感覺都唔係啱啱出爐咁熱。片皮鴨四個人食半隻鴨就足夠嘅，但餅皮感覺偏乾硬同埋比較少。豆沙鍋餅感覺唔錯，但餅好飽，個人感覺唔會好甜，其中一位同學覺得好甜。中午一點幾冇訂位去到唔需要等位，直接有位坐，但係都有好多人去食。餐廳信號較差，冇free Wi-Fi，但係要掃QR code網上點餐，感覺些許不便。點咗醬骨架，但係等我地食曬其他問服務員時先知道已經冇曬，但係點餐時完全冇顯示過售罄😥如果有同學提到嘅鐵鍋燉，可能更吸引🤔有機會的話，試下其他菜式或者會唔錯，人均95都算係抵食啦