Moreish & Malt (鴻圖道) (已結業)

Evening差唔多天黑，但又要拿拿聲食啲野再去APM睇戲，搵一搵附近有咩西餐未試過就來左呢度。格局OK，空間感幾夠，feel到都幾新下。燴手撕豬肉三文治本身冇諗住order呢個架，服務生可能趁少人比較得閒就推介左呢個。一來到，嘩勁多料！擺入口第一個感覺係好重味，豬肉醃得好夠，味道偏咸，所以佢放左好多配料去balance返個味道，豬肉完全唔韌，係非常軟，要一讚係個包外表似多士，但其實除左少少脆皮之外，其實係好軟，食嘅時候都驚啲料會跌出來(笑)，份量方面就唔算大份，但可能佢料多，都幾飽肚下，呢個dinner都可以order，係好正！溫泉蛋凱撒沙律其實都唔算得上好特別，就算係配溫泉蛋哩個組合啦，因為一般都係配三文魚，冇話話個好邊個唔好，都好食，口感大部份來自佢地自家制麵包糠，好鬆脆，最好係一啖裡面又有菜又麵包又撈少少蛋汁咁，真掂，推介俾鐘意salad ge同好！價錢就一般啦，唔平唔貴，地點都一般，但整體係滿意，有機會會再來試埋個burger，到時再寫，本篇完。