老三油渣麵王

营业中

休息中

第一次食豬油渣麵，襯呢個傳統食品失傳之前，點都要一嚐舊日風味😋。呢間舖頭嘅豬油渣麵喺香港數一數二，佢嘅豬油渣係用黑毛豬肉榨油後嘅殘渣做成，配上麵條及湯頭，搖身一邊成為美味嘅食品。招牌豬油渣麵$36豬油渣放喺湯上面避免浸腍，所以食嘅時候口感仍然脆卜卜，皮肉分明。湯底以烚蘿蔔水製成，加埋自家製蒜蓉、冬菜及辣菜脯一齊食，非常好飮又惹味。湯底可自選大中小辣，我就選擇咗中辣。上海粗麵質地彈牙有咬口，不會太腍。店內仲有好多美味食品，餃子、魷魚、雞翼都係好受歡迎👏。