炎天丼 (已結業)

壽司就食得多喇！但係未試過食天丼，因為平時食天婦羅都唔覺得好吸引，今次係同事極力推介，即管來試試。出了旺角地鐵站，行5分鐘就到，在店舖門外向店內望，滿是客人，好在還有兩個側邊面壁位置。 同事推介下叫了兩碗海鮮天丼，再追加兩份海膽。哥哥話先食菜，後食海鮮，我都有做功課㗎！食天丼步驟：先食餸，然後篤穿隻流心蛋撈飯🍚，這時可問哥哥落飯素。哥哥好細心，初頭落少少，佢話呢隻咸呀！唔好落太多。 當我哋食咗半碗飯，哥哥又幫我哋加飯素，佢話呢隻冇咁咸，可以落多啲。哥哥真細心又識做，抵讚！👍👍👍天婦羅脆醬超薄，非常脆口，包住嘅食物又新鲜、又大件。 隻流心蛋好好食，舖內貼住張纸，寫明隻蛋唔流心可更換，又要讚！👍👍👍原來飯素撈白飯，加隻蛋都可以食曬成碗，真係唔試過都唔知咁神其，唔怪得之同事話嚟過好多次喇！佢已上咗瘾！🤭我哋仲一人追加一份海膽(兩件/份)，脆和軟嘅配搭好得意，海膽大大舊，好好味。埋單每人唔駛一百，已經食到好飽，我食到一粒飯都冇剩，本來好想追加隻流心蛋，不過真係好飽，唯有留翻下次再嚟食過喇！