盛八日式火鍋放題店 (已結業)

上兩星期同老婆試食和牛放題，我地揀左最貴嘅日本極上飛驒和牛放題餐，90分鐘任叫４款牛肉同１款豚肉，另外出面亦有D 刺身、蔬菜、麵、丸類等，睇見都幾開心，不過90分鐘真係驚唔夠食！侍應好醒目已經即時送黎一碟二人份量嘅飛驒和牛，色澤均勻又唔算太肥，岩哂我地兩公婆！食落仲好好味，保守估計出面最起碼都賣成百幾蚊一碟，計落食兩碟都抵返到！咁佢嘅味道無日本食到咁入口即溶架喇，但都好好味，幾驚喜！除左和牛，侍應仲擺抵左兩碟豚肉，又估唔到肉質唔會UN，唔錯唔錯！再叫埋第二貴嘅澳洲貴族和牛（佢個餐平D但無得食和牛)，不過依碟又真係有D失望，因為有D UN...相反牛肩又出奇好好味，肥得黎又唔算太誇張，最緊要係牛肩好重肉味，性價比好高！更加岩哂我依D食肉獸，如果同成班波友黎食真係無得輸啊！都有要到Ｄ菜，自己拎隻碟出去夾，想要幾多都得！食放題又點少得雪糕呢！估唔到連朱古力山都有！天婦羅都係等水滾個陣食啦！話時話，盛八D野食真係算黎得幾好，唔使催仲要耐唔耐就問你有咩需要，而加湯都係加上湯架！多勁多綠茶甜品，貫徹日式風格！雖然90分鐘短左D，但都好夠食，好飽！依排做團購食和牛都係二百幾蚊，以咁嘅食物服務真係好抵