朋友同我講先知原來香港有土耳其食物可以試，咁新奇緊係要試下。我地一行12人，早一個星期whatsapp訂左位，好順利一上到去就已經準備好位有得坐。間舖細細，除左我們之外加埋只有另一枱2人已經坐滿。入到去暗暗地，環境好舒服，仲有2隻貓貓坐鎮同我地玩
我地事前只係講左有咩唔鐘意，完全唔知去到會食乜，全由老細揸主意。
首先黎左個茄子薯仔乳酪，乳酪味食唔出，不過薯仔同茄子都煮得好香好好味。
1
之後黎左個燒雞，一黎到已經成陣好香既燒雞味傳出黎，本來諗住咁大隻雞點食？原來入面係釀左飯，d雞味滲晒入d飯度，好正。
2
之後黎左香草羊架同巴東牛肉，個煮牛肉好臨身，不過幾辣，有d朋友食得辣既覺得好好味，我唔係好食得就試左少少辣到飛起～PASS
羊架就唔辣，岩我唔係好食得辣，香草味好香，羊肉夠臨又唔酥，好味。
1
之後上左個餃子，餃子入面係芝士乳酪，本人鐘意食芝士，對呢個情有獨鐘
1
食到呢個時候其實都開始飽，不過原來仲有野食
。呢個係係d甜椒入面釀左乾果同飯，老細話呢個係土耳其既地道食物之一，真係幾正
我自己覺得呢個又特別又好食
1
我地全程一路食一路同老細傾計，佢好好仲請我地試食佢既土耳其糖同即席同我地煮土耳其咖啡，我自己就唔係好飲咖啡，不過試下都覺得幾濃幾得意，仲話飲完之後土耳其人會反轉個杯轉3個圈做占卜添
除左呢樣，店入面有2隻好得意既貓貓，成日圍住我地隻腳行黎行去，仲肯俾我地抱上大脾玩添
1
3
