影片
更多
2019-01-20
194 浏览
同朋友食完飯想再食糖水，又唔知邊到有喎，行行下見到有間發記就諗住連鎖店實冇死啦。盲中中咁坐左入去，點知就開始左今晚嘅惡夢我地坐低見到一個糖水嘅價錢等於一餐飯喎，諗住一定好高汁啦，點知上到來仲差過街邊小檔芝麻糊：芝麻糊冇芝麻味，應該係本身好稀，但又加左好多粉勾茨勾到個質地勁奇怪。味道同質地都已經唔可以叫做芝麻糊綠豆沙+芋圓：碗綠豆沙勁細碗，侍應一遞上來就望到勁稀，真係好失望完全對唔住個價錢。最後都堅持食曬成碗，因為真係好貴lol食到底都完全見唔到綠豆係邊，似係加左糖嘅綠豆水咁。佢都叫糖水嘅，但就係糖溝水個隻糖水囉講番芋圓我都未食過咁難食嘅芋圓，諗番起都想講粗口好似食緊擦紙膠咁，硬掘掘一啲口感都冇，仲慘過吞香口膠啊燉蛋白：呢碗真係最正常，除左蛋白味好淡同唔知點解明明唔足料都會膩到食唔曬之外都冇咩好挑剔了其實啲麻甩佬唔算揀飲擇食架，但佢地都冇食曬就知呢間野咩事啦隻匙更識浮係芝蔴糊上面唔沉底，好勁啊
我地坐低見到一個糖水嘅價錢等於一餐飯喎，諗住一定好高汁啦，點知上到來仲差過街邊小檔
芝麻糊：
芝麻糊冇芝麻味，應該係本身好稀，但又加左好多粉勾茨勾到個質地勁奇怪。味道同質地都已經唔可以叫做芝麻糊
綠豆沙+芋圓：
碗綠豆沙勁細碗，侍應一遞上來就望到勁稀，真係好失望完全對唔住個價錢。
最後都堅持食曬成碗，因為真係好貴lol
食到底都完全見唔到綠豆係邊，似係加左糖嘅綠豆水咁。佢都叫糖水嘅，但就係糖溝水個隻糖水囉
講番芋圓我都未食過咁難食嘅芋圓，諗番起都想講粗口好似食緊擦紙膠咁，硬掘掘一啲口感都冇，仲慘過吞香口膠啊
燉蛋白：
呢碗真係最正常，除左蛋白味好淡同唔知點解明明唔足料都會膩到食唔曬之外都冇咩好挑剔了
其實啲麻甩佬唔算揀飲擇食架，但佢地都冇食曬就知呢間野咩事啦
隻匙更識浮係芝蔴糊上面唔沉底，好勁啊
芝麻糊
13 浏览
0 赞好
0 留言
张贴
