麥田廚房 (已結業)

我係銅鑼灣附近返工，成日都經過呢座嘢，一直未上過去，今日聽同事講，佢話呢度嘅羅宋湯好好飲,夠真材實料，與眾不同,叫我一齊去試下,咁就成就左以下依一篇食評啦!我地一行到達後因為時間仲早,所以唔駛等好耐就有位,大約5分鐘左右,服務員態度幾好,題外話一下,係銅鑼灣有d餐廳既態度真係麻麻,唔知大家覺唔覺!?坐定定睇完餐牌後,再經侍應姐姐介紹,我地三人叫咗三份唔同既lunch分別有:1.祕製咖哩牛腩飯，咖哩汁濃厚獨特，據侍應姐姐講係呢度師傅自家味道, 牛腩份量好多，不只是2，3舊!2.豬扒飽餐，點解叫佢，因為聽過呢度嘅豬扒特別好味，再加上佢地個包望落好鬆軟，點知一試，真係冇錯，我地大家一致應為好味過隔離街所為好出名既豬扒包!3.我另一位女同事叫咗份三文魚炒飯，好足料，啖啖三文魚之外,佢地仲加左好似羅馬菜去炒，味道真係啱啱好!本來我地一人叫一份自己食，但最後大家都share,因為樣樣都咁好味，樣樣都可以試下!另外一定要講下羅宋湯,我一向都認為湯係陪襯品,但來到依度,就改變左我對湯既睇法,真係落左料去煮,真係有肉食架,我都好耐未試過出街叫羅宋湯或紅湯係有肉,而且好味,抵讚!我唔係咩食家，係個打工仔，