影片
更多
2017-01-12
3151 浏览
喺FB见到介绍呢间由韩国人主理嘅餐厅，介绍咗酱油虾同鲍鱼好吸引(要预订先食到），约朋友一齐去试,知道呢个预订，所以订位时已订埋，我哋约7:30，去到已经满座咁滞，只剩四个位，店面三人忙过不停，Oppa老板细心为order酱虾鲍鱼嘅客人搣虾壳同剪开鲍鱼方便客人食用，老板娘不停接电话及收钱，忙过后就安排我哋入座，我哋决定加多一个辣牛肉汤拌饭，老板娘落单时同我哋讲先嚟酱虾同鲍鱼先，你哋食到咁上下，先帮你地落牛肉汤啦！因为汤冻咗冇咁好饮（超细心），眼见差不多枱枱都叫酱虾同鲍鱼，Oppa就不停为客人搣🦐壳，终于到我哋啦！虾好新鲜，虾头仲有羔𠻹，Oppa问剪唔剪虾，我哋紧系话好啦！剪好哂佢就攞咗小部分虾肉放喺个餐跟个碗饭到，然后用手按住碟上食物倒咗D醤油落碗饭到，同我哋讲呢个饭入面有麻油捞好就可以食或者包紫菜食，虾好入味同爽口，鲍鱼反而冇乜味得个爽字。我哋叫咗两罐梨汁，好味真系估佢唔到有梨肉㖞！辣牛肉汤到啦！真系好辣不过加埋白饭一齐食又辣得好好味，我成碗白饭送汤食哂，饱到唔想坐。end up 行咗去吉之岛shopping 一个钟先返屋企
虾好新鲜，虾头仲有羔𠻹，Oppa问剪唔剪虾，我哋紧系话好啦！剪好哂佢就攞咗小部分虾肉放喺个餐跟个碗饭到，然后用手按住碟上食物倒咗D醤油落碗饭到，同我哋讲呢个饭入面有麻油捞好就可以食或者包紫菜食，虾好入味同爽口，鲍鱼反而冇乜味得个爽字。
我哋叫咗两罐梨汁，好味真系估佢唔到有梨肉㖞！
辣牛肉汤到啦！真系好辣不过加埋白饭一齐食又辣得好好味，我成碗白饭送汤食哂，饱到唔想坐。
end up 行咗去吉之岛shopping 一个钟先返屋企
张贴
