為食龍 (已結業)

今日約咗友人係中環食晚餐，友人就介紹左Hungry Dino。入到去見到個裝修好特別，有好多恐龍相關裝飾，覺得好新穎。入到去當然叫咗呢到特有嘅腐皮壽司，我地就叫咗吞拿魚拖羅魚蓉，壽司上有不少大大粒既吞拿魚，配埋腐皮甜甜地，食落都幾好食。之後叫咗呢到既卷壽司，呢度既卷壽司名都好特別，我地叫咗西雅圖鬼妹，上面係黑色蟹子配火炙三文魚，飯入面有牛油果，食落去明顯feel到火炙三文魚味，同時又有少少牛油果既fresh，十分不錯。而我就鍾意加洲鬼佬，壽司面由蟹子包圍住，面層同入面都放左蟹肉，點埋沙律醬食真係好嘢未。跟住仲叫咗杯佛手柑乳酸梳打，杯梳打好有氣但又唔會話太甜，而且會飲到少少爆炸珠，感覺好特別。