Noodies (已結業)

最近成日聽到人講新開左一間幾正，有得食喇沙湯底，好奇呢個湯底，作為為食而又周圍搵食嘅我，又點可以錯過呢？成日聽到喇沙呢個名，好似好出名，但未試過，香港好似好少地方有，可能係得好高級嘅專係新加坡或者去馬來西亞餐廳先有，但呢間noodies價錢好平民化，唔洗太貴都試過，當然佢地并唔係車仔麵檔！個陣見到隔離枱都幾多人揀喇沙喎，試完呢個湯之後，都有小小明點解啲人咁中意，本身自己唔係太食得辣，見到咁嘅色都驚驚地，但係加埋面連湯食，又唔會好辣，仲有好香嘅椰奶味，好有層次喎，浸係喇沙湯嘅豆卜索曬啲湯，好入味，成件事好完美，以後會多啲黎食。（ps.西區街坊）