老二花廳 (已結業)

今次係我哋第一次嚟呢間餐廳食飯，首先講吓佢嘅環境，都幾有特色，仲可以周圍影吓相。我哋叫咗四樣嘢食，個小食拼盤都算大份，有炸魷魚圈、炸薯角、炸洋蔥圈、雞翼。呢個適合幾個人一齊食，如果唔係就食唔晒。果兩款意粉就麻麻哋啦，個闊條麵嘅醬汁酒味太重，應該係煮嗰陣時啲酒精味揮發晒，仲有好多酒味，所以食落一般。個意大利飯太軟，同埋太甜，所以唔算好好食。嘢飲嘅選擇都幾多，叫咗個薄荷朱古力咖啡都唔錯，熱情果沙冰唔算太甜。但係呢間餐廳出賽比較慢，如果趕時間就唔好黎啦，因為人手唔係好夠，廚房亦都唔係好大，所以要俾啲耐性等下啦。