養心殿台式養生鍋 (已搬遷) 新店位置

過左一排又心掛掛想食呢間台式火鍋，於是約左個fd呢晚黎到旺角分店打個靚邊爐！好彩我一早book左位，8點黎到都有人等緊位，好受歡迎！又係揀野食時間，由於我地兩丁友，而呢度個鍋又次次都咁足料，所以今次冇叫好多野食，反而叫左d平時冇食開ge。我地要左麻辣拼酸菜白肉鍋。個白肉鍋有好多Q彈粉，煙煙 un un好好咬。仲有超勁多豬肉片，夠起碼四個人食！麻辣今次叫小辣，有好多冰豆腐同鴨血。上面係水餃，大大舊，要左半份有4隻，裏面包左爽口ge蝦木耳同肉碎。中間係鵝肝墨魚丸，咬開有鵝肝ge油脂漏出黎，食落口幾香。下面係黑松露蝦肉，好鬼彈牙，又勁香黑松露味！叫左兩條聖子，中型size，記住唔好煮過濃，我地就岩岩好夠爽口。最後係台灣A菜，第一次試黎打邊爐，味道有少少似油麥菜，唔錯，台灣貨有保證。呢間服務都唔錯，侍應門都好落力，仲有笑容，主動加湯。